I mora sot shkronjat e alfabetit
Të shkruaj vargje vetëm për ty
Ulur diku në buzë të detit
Si vala me bregun rrimë të dy
Kam shkruar gjithmonë për dashurinë
E do t’i shkruaj unë prap e prap’
Dy zemrat tona sëbashku rrinë
E rrahin të dyja si një sahat
Për vete o det më bëre mua
Kur ti më more në tëndin gji
I hape krahët ,më the të dua
E unë në krahë t’u hodha ty
Dhe kur larg teje o det të jem
Përkëdheljet e tua do t’më mungojnë
Mendje e zemër tek ti do kem
E n’shtratin tënd prap do vallzojmë
I mora sot shkronjat e alfabetit
Të shkruaj vargje për ty dashuri
Fjalën “të dua ” tek shkëmbi pranë detit
E gdhenda sot vetëm për ty
