Nga kulla me dhjetë kryqe
Në qytezë e Qafë Shullani,
Si të isha veç njëzetvjeçar
“Hopa” dje më ngriti malli!
M’turbulluan kryqet n’kullë
Simbol paqe, simbol urtie,
E n’Qytezë e putha një gur
Mundarëve, shej dashurie.
N’Qafë u ula dhe pushova
Laps e letër i bëra detyrat,
Turra – vrap deri te shkolla
Dyert e saj i gjeta mbyllur.
Tek të shumtit pranë Lterit
U ndala pak e mora bekim,
Si furtunë gati sa më mbyti
Malli rrodhi fort me tërbim!
Një jetë u shfaq, n’dy hapa
Sa i ri u ndjeva unë fizikisht,
Shtegut të vjetër, porsi era
Shpirti më mbarti në kishë!
